Vigo. Porto de Bouzas e núcleo de Bouzas. Barrio mariñeiro
Sobre este patrimonio
Bouzas é un barrio mariñeiro situado en Vigo que foi independente ata 1904. Ten unha praia urbana xunto a un paseo marítimo de case tres quilómetros de ida e volta e un pequeno porto deportivo. Todos os domingos celébrase un mercadiño na alameda e posúe un mercado de abastos.En Bouzas atópase a antiga fábrica de conservas de peixe Bernardo Alfageme que consta dun edificio fabril tipo "palacio" e exemplo arquitectónico do período entreguerras. É obra do arquitecto Gómez Román e data de 1928 e está integrado por casa familia, almacén e vestiarios con zona axardinada. É unha das mostras de arquitectura industrial máis emblemáticas de Vigo e a súa entrada atópase na rúa Tomás Alonso.Hasta o século XX Bouzas era unha parroquia independente que acabou anexándose a Vigo debido á industrialización da cidade xunto a outras parroquias. Sempre foi un municipio ligado á industria do mar onde ademais se atopa a igrexa de San Miguel e numerosas casas burguesas. A igrexa de San Miguel data do século XVI e atópase a beiras do mar, ás súas costas foi medrando a antiga parroquia. Actualmente ten un paseo marítimo onde se atopan algunhas casas mariñeiras tradicionais. Ademais de ser barrio de pescadores, tamén alberga actualmente varios estaleiros e industrias. Ademais, este barrio conta cun dos equipos de fútbol máis antigos de Galicia tendo un século de existencia, o Club Rápido de Bouzas.
Para saber máis
Bouzas é un barrio mariñeiro que se atopa en Vigo. Neste barrio pódense atopar varios estaleiros e industrias, tamén un porto deportivo xunto a un paseo marítimo e un pequeno estadio de fútbol. Este estadio pertence a un dos equipos de fútbol máis antigos de Galicia, o rápido de Bouzas, que xa ten un século de existencia. Bouzas foi un barrio independente de Vigo ata 1904. Todos os anos celébrase neste barrio a festa de A Brincadeira, unha festa medieval ambientada no ano 1809 onde se conmemora a vitoria dos boucenses sobre a invasión dos soldados napoleónicos franceses. A esta festa de conmemoración déronlle o nome de A Brincadeira en honor aos portugueses que contribuíron a expulsar ás tropas francesas. Durante a celebración instálase un mercadiño tradicional e recupéranse os traxes de época. Unha das actividades principais deste barrio mariñeiro é a pesca. Antigamente a súa principal colleita era a da sardiña e o xurel xa que eran moi abundantes. Tamén era moi común a pesca do polbo, calamar, crustáceos e bivalvos. Así medrou a industria da conserveira e as salazóns que coa chegada de técnicos cataláns incrementaron e melloraron a produción. A sardiña era tan abundante que se salgaba e secaba ao sol e gardábase para as épocas de escaseza ou temporais. Tamén comercializábase o seu aceite exportándoo en barrís e as sardiñas prensábanse para convertelas en arenques.
Para coñecelo mellor
Bouzas é unha zona do municipio pontevedrés de Vigo. Con anterioridade, formaba un concello propio e unha parroquia do concello vigués. Con todo, a día de hoxe, forma parte do núcleo urbano da tamén coñecida como Cidade Olívica.Bouzas é un barrio mariñeiro que destaca pola pesca e polo seu comercio tradicional de mercadiños. Ademais da súa praia urbana, conta cun paseo con vistas ao mar de case 3 quilómetros.Nos peiraos de Bouzas, atópase o maior espazo para as instalacións industriais de explotación do Porto de Vigo. Distínguense dúas zonas principais. A primeira delas, a Terminal Ro-Ro, está especializada en tráficos de mercadoría xeral. Ademais, aquí tamén se atopa a sede principal do Consorcio da Zona Franca de Vigo. A segunda das áreas é o peirao de reparacións de buques.Bouzas é un dos barrios máis antigos da cidade e o seu carácter mariñeiro está presente nas vivendas. Ademais, conta coa Igrexa de San Miguel de Bouzas, datada da segunda metade do século XVI e reedificada no XVII.
Galería
Localización
- Localidade
- Vigo
- Concello
- Vigo
- Provincia
- Pontevedra
- País
- España
O ben
- Tipo
- Porto
- Eco-destino
- Ría de Vigo
- Relevancia
- Internacional
Como chegar
- Acceso
- Por mar Por terra
- Distancia
- 0.000km
A visita
- Visitábel
- Si
- Accesible
- Sí
- Aparcamento
- Sí
Coordenadas
- Latitud
- 42.22597600
- Longitud
- -8.75356300