Balneario de Arnoia. Paseo fluvial e área recreativa de As Poldras. Miradoiro. Priorato Igrexa de San Salvador

Arnoia

Sobre este patrimonio

Arnoia é un municipio de pequena extensión, aproximadamente 20 quilómetros cadrados, pertence á comarca do Ribeiro. Atópase situada nas dúas marxes do río Arnoia, do que toma o seu nome. Conta cunha soa parroquia, San Salvador.O Balneario de Arnoia está situado no municipio ourensán co mesmo nome, a 33 quilómetros da cidade de Ourense. Trátase dun establecemento de catro estrelas recentemente reformado e que ofrece aos seus visitantes unhas modernas instalacións dotadas da máis moderna tecnoloxía. As propiedades das súas augas termais son augas sulfurado-sódicas, bicarbonatadas, magnésicas cun caudal de 5 litros/segundo e unha temperatura de 22 graos centígrados. Neste punto o río Arnoia desemboca no Miño, unha zona de gran beleza natural na que se atopa tamén a área recreativa de As Poldras, un lugar de paseo e relax pegado ao río que dispón de mesas e paseos con varios postos.Neste contorno, iníciase un paseo fluvial que chega ata o balneario, moi preto tamén dun miradoiro coñecido como Monte dos Chaos, construído en madeira desde o que se pode gozar dunha vista privilexiada ao lugar no que o río Arnoia e o Miño se atopan.Moi preto de aquí, a cincocentos metros, atópase para poder visitar a Igrexa de San Salvador de Arnoia, un templo de orixe románico que foi reconstruído en 1612. Unha edificación dunha soa nave cuberta por bóveda de canón dividida en seis tramos e capela lateral. A súa fachada é barroca e conserva unha xanela románica.

Para saber máis

O municipio de Arnoia limita occidentalmente polo río Miño, na súa zona remansada de Frieira. Esta circunstancia ofrece unha beleza paisaxística inusual, aumentada pola desembocadura do Arnoia, que conta con abundante vexetación.A capitalidade sitúase en Outeiro Cruz, non existindo entidade de poboación co nome de Arnoia.Na súa configuración orográfica obsérvanse dúas zonas ben diferenciadas: a correspondente á citada desembocadura, moi fértil tendo como cultivos tradicionais o viño e os produtos hortofrutícolas. A segunda zona corresponde ás ramificacións do Coto Novelle, esta reserva separa os municipios de Arnoia e Castrelo de Miño.Arnoia é tamén coñecida pola calidade das súas augas termais e pola beleza que estas crearon ao seu redor.O paseo fluvial e a área recreativa de Poldras rehabilitouse no ano 2014 aproveitando unha antiga estrutura de muíño de auga, atópase antes da desembocadura do río Arnoia no río Miño. É un lugar axeitado para a práctica da pesca, esta área conta con dous pontes e ademais é usada como praia fluvial durante o verán. Neste lugar iníciase un paseo fluvial que finaliza no balneario.Nunha ladeira do Monte dos Chaos no ano 2020 instalouse un miradoiro formado por plataformas e pasarelas de madeira que nos permiten gozar das vistas da confluencia do río Arnoia e Miño. Está localizado a unha altura de 140 metros.Dende este miradoiro podemos divisar a igrexa de San Salvador de Arnoia que dependía despois do século X do Mosteiro de Celanova, fundado por San Rosendo. De orixe románico consérvase unha xanela na fachada principal coa imaxe de San Salvador e o Cristo medieval no seu interior. Isto é proba dunha construción anterior á igrexa actual que foi reconstruída en 1612, data que figura no exterior do templo. O edificio actual consta dunha soa nave, cuberta por bóveda de canón e dividida en seis tramos con cinco arcos fajóns. Posúe unha capela lateral dedicada á Virxe, con bóveda de pedra e cun escudo dun familiar da Inquisición.Na súa fachada barroca, ademais da xanela románica, veremos a súa entrada formada por un arco de medio punto decorado con molduras e unha espadaña con campanario con frontón circular. No seu interior consérvanse tres retablos, un deles o de José Benito Arez González.

Para coñecelo mellor

Arnoia é un municipio da comarca do Ribeiro na provincia de Ourense. Ao ser unha zona con gran historia grazas ás súas augas termais, contamos con diferentes termas ou balnearios.O Balneario de Arnoia, cuxa construción data do ano 1995, está situado xunto aos ríos Miño e Arnoia. Grazas aos montes e bosques do seu arredor, é un lugar perfecto para gozar da natureza e do descanso pois, tamén conta co servizo de restauración e hotel. Esta estación termal, ofrece diferentes tratamentos para gozar da Balneoterapia como baños de esencias, saunas ou aromaterapia. Todos estes tratamentos, favorecen os coidados da pel e das articulacións, proporcionando ao noso corpo vitalidade e enerxía.En Arnoia tamén podemos atopar un antigo priorato (establecemento parroquial) do século XVII. Este templo, dedicado a San Salvador, construíuse sobre un máis antigo de estilo romántico que deixou o seu paso en futuras renovacións nunha xanela situada sobre a porta da fachada principal, onde actualmente, atopamos a imaxe de San Salvador. Por outra banda, este municipio conta cun recente miradoiro coñecido como Monte dos Chaos, do ano 2020, onde poderemos gozar de unhas vistas incríbles. Ademais, un pouco antes da desembocadura do río Arnoia sobre o río Miño, atópase un paseo fluvial e a área recreativa de As Poldras. Nesta área, hai varios pontes de pedra e madeira e unha zona de mesas para poder comer e descansar.