Marín. Xardíns de Lourizán. Camelias
Sobre este patrimonio
Os xardíns do Pazo de Lourizán teñen unha extensión de 54 hectáreas. No seu interior ademais do xardín hai lugar para unha horta e unha arborada. Pero o que nos ocupa é o seu importante xardín botánico no cal se poden ver tanto especies exóticas como autóctonas. A súa creación data do ano 1949 co nome de Arboreto. O xardín ten un dobre interese, por unha banda, ten importancia a nivel natural, paisaxístico e cultural xa que as súas árbores están incluídas no Catálogo Galego de Árbores Senlleiras, catálogo de árbores con importancia especial polo seu valor especial e cultural. Como por exemplo o Cedro do Líbano, a Metasequoia glyptotroboides e a formación de castiñeiros xaponeses e chineses sen restar importancia a outras especies como o olmo holandés, as palmeiras reinas ou a avenida das magnolias. Existen máis de 2500 variedades de camelias, e neste xardín podemos atopar máis de 800 variedades. As primeiras camelias que chegaron a Europa entraron por Portugal no século XVIII antes que a Inglaterra. Desde Portugal estendeuse por toda a península e especialmente por Galicia, onde consta a súa presenza desde principios de 1800. Trátase dun arbusto ou árboiña, perenne, con moitas ramas, de crecemento lento e de entre 5 e 10 metros de altura. As flores son de tamaño variable entre 3 e 10 cm. A cor varía desde o branco máis puro ata o vermello máis intenso, pasando por todas as tonalidades de rosa e vermello. O xénero é nativo de Asia Oriental. O 90% das especies coñecidas actualmente procede de China.
Para saber máis
O parque atópase entre as poboacións de Pontevedra e Marín. Os orixes do Pazo remontan ao século XV, cando aínda era unha granxa. Foi adquirida no século XIX polo político Montero Ríos para convertela na súa residencia de verán e tamén punto de encontro das personalidades máis influentes do momento. Como curiosidade histórica, nos seus salóns, representantes de España e Estados Unidos negociaron o Tratado de París, polo cal acordaron o novo estatus das illas de Cuba, Porto Rico, Filipinas e Guam. O xardín é de estilo romántico e nel atópanse distintas fontes históricas coa fonte da Cuncha, a fonte dos Tornos e a fonte ou gruta dos Espellos caracterizada por estar adornada por vidros de cores. Na actualidade este espazo é de titularidade pública e nel atópase o Centro de Investigación Forestal de Lourizán. Os exemplares antigos de camelia de Lourizán créese que teñen orixe no país veciño, pertencen ao Establecemento Hortícola portugués de Jose Marques Loureiro no s. XIX. En 1993 coincidindo co 1º Congreso Forestal Español-Lourizán creouse o Parque das Autonomías cunha mostra das especies arbóreas máis representativas de cada unha delas. Da importancia que ten a Camelia en Galicia e da colaboración entre Turgalicia e a Sociedade Española das Camelias existe un circuíto de xardíns, vinculados á cultura da Camelia. Seguindo este circuíto poderá coñecer lugares inesquecibles, auténticos xardíns botánicos.
Para coñecelo mellor
O Pazo de Lourizán atópase enclavado entre os municipios de Pontevedra e Marín. Esta propiedade funcionou como granxa durante o século XV. Posteriormente, no século XIX, cando a adquiriu Montero Ríos, converteuse no seu domicilio e nun espazo para reunións con personaxes importantes como políticos. De feito, nun dos seus salóns puideron negociarse tratos tan importantes como o Tratado de París. Este pazo, que actualmente é propiedade da Deputación Provincial de Pontevedra, converteuse no Centro de Investigación Forestal de Lourizán. Conta con 54 hectáreas de xardín, finca e moitos árbores. A casa é de estilo modernista, de principios do século XIX, deseñada por Genaro de la Fuente. O xardín, de estilo romántico, conta con diversas fontes históricas: a fonte da cuncha (datada do século XVIII), a fonte dos tornos (s. XVII) e a fonte dos espellos (s. XIX). Ademais, o xardín ten especies exóticas e autóctonas, como as camelias. As camelias son arbustos de entre 2 e 4 metros de alto que producen flores brillantes e elegantes. As súas flores poden presentar diferentes cores (branco, rosa, vermello e amarelo, entre outros) e as súas follas son sempre verdes e brillantes. Ademais, é un dos arbustos que adorna os xardíns durante todo o ano.
Galería
Localización
- Localidade
- Lourizán
- Concello
- Marín
- Provincia
- Pontevedra
- País
- España
O ben
- Tipo
- Xardín
- Eco-destino
- Ría de Pontevedra
- Contorna
- Rural
- Relevancia
- Internacional
Como chegar
- Acceso
- Por mar Por terra
- Distancia
- 3,600 km
A visita
- Visitábel
- Si
- Interpretación
- VISITAS GUIADAS
- Accesible
- No
- Aparcadoiro
- Sí
Coordenadas
- Latitud
- 42.40948100
- Longitud
- -8.66483700