Pontevedra. Río Lérez. Sendeiro
Sobre este patrimonio
O río Lérez é un lugar de Importancia Comunitaria, isto quere dicir que é un espazo protexido, en España, a Lei 42/2007, do 13 de decembro, do Patrimonio Natural e da Biodiversidade defíneos como aqueles espazos do conxunto do territorio nacional ou das augas marítimas baixo soberanía ou xurisdición nacional, incluídas a zona económica exclusiva e a plataforma continental que contribúen de forma apreciable ao mantemento ou, no seu caso, ao restablecemento do estado de conservación favorable dos tipos de hábitat naturais e os hábitats das especies de interese comunitario na súa área de distribución natural". Ten o seu nacemento na Serra do Candán, entra por Cotobade e Campo Lameiro nas terras de Pontevedra e atravesa a provincia ata a desembocadura da ría. Atravesa a provincia a través de 57 quilómetros de lonxitude, discorrendo por un val que se caracteriza pola variedade de rochas que deixa ao seu paso. O sendeiro do río Lérez é unha zona LIC, zona de importancia comunitaria polo seu potencial achegamento para restaurar o hábitat natural, incluíndo os ecosistemas e a biodiversidade da fauna e a flora. Discorre durante 6 quilómetros, o sendeiro comeza na praia fluvial e percorre a marxe do río ata a parroquia de Bora, pasa por antigos sendeiros forestais, frondosos bosques de ribeira e restos de antigos muíños. É de baixa dificultade, ideal para realizalo camiñando ou en bicicleta con toda a familia. Pertence á ruta do Camiño de Santiago Portugués.
Para saber máis
O Lugar de Importancia Comunitaria río Lérez nace nunha das zonas máis chuviosas da montaña galega, separa as provincias de Pontevedra e Ourense, concretamente na Serra do Candán, nesta serra a media de precipitacións anuais supera os 2.000 milímetros. O río Lérez fai a súa entrada nas Terras de Pontevedra por Cotobade e Campo Lameiro, para atravesar Pontevedra ata a desembocadura da ría. O Lérez atravesa a provincia de Pontevedra de lado a lado a través dos seus 57 quilómetros de lonxitude, discorrendo por un val que se caracteriza por ser un lugar onde te podes atopar varios tipos de rochas, como poden ser rochas metamórficas de grao medio que están formadas por minerais como a mica, a clorita, o talco, o granito, o cuarzo e o feldespato. O sendeiro do río Lérez é unha zona LIC, zona de importancia comunitaria. Trátase dun percorrido lineal de uns seis quilómetros de baixa dificultade, no que podes descubrir o diferente medio fluvial do tramo baixo do río, ademais de diferentes medios forestais autóctonos. A senda comeza na ponte dos Tirantes pola parte esquerda, onde comeza en forma de paseo ata a praia fluvial. Unha vez chegados a este punto discorre entre pasarelas de madeira e camiños moi ben acondicionados. Durante o camiño podes ver unha zona de densa vexetación, as árbores que podes ver son salgueiros e carballos. Chegarás á fervenza da Fillagosa e ás ruínas do antigo hotel-balneario do Lérez que aínda conserva parte do edificio principal coa fonte de augas medicinais no interior. Foi creado en 1906 e converteuse nun punto de encontro de pontevedreses e de importantes políticos da época como o ministro Canalejas, o marqués de Riestra, Montero Ríos, Cobián Roffignac..., incluso a infanta Elena de Borbón e Borbón visitouno en 1914. O seu promotor foi Casimiro Gómez, emigrante que fixo unha gran fortuna en Arxentina. Neste lugar naceron As Augas do Lérez, ás que se lles atribuían importantes propiedades terapéuticas e foron coñecidas en medio mundo. A senda continúa polos antigos accesos á estación de bombeo da auga, un lugar onde o río leva unha gran forza. Desde aquí e ata o final do traxecto no encoro de Bora, os bosques de ribeira adquiren maior espesura e pódense visitar algúns restos de muíños. Tamén é parada obrigada o Lugar da Fontaiña, Lugar de Importancia Comunitaria (LIC ES1140002 Río Lérez, 149 ha), pola súa área de turismo ornitolóxico. Río arriba, antes de cruzar a ponte na estación de bombeo da auga, accédese ao lugar do Couso, onde desemboca o río de Fontáns. O sendeiro discorre dentro da ruta do Camiño de Santiago Portugués.
Para coñecelo mellor
O río Lérez conforma un dos elementos máis importantes da cidade de Pontevedra, pois a ambos lados das súas beiras conformouse esta urbe. Este curso fluvial nace no Monte de San Bieito (Serra do Candán), na parroquia de Aciveiro (Forcarei), e desemboca no océano Atlántico, formando a ría de Pontevedra, entre a localidade de Poio e Pontevedra. Ademais, grazas ao sendeiro que atopamos nas beiras do Lérez, podemos ir saíndo da zona urbana para ir adentrándonos nunha paisaxe agradable chea de vexetación. Tras unha parada na praia fluvial e ascendendo, chegaremos a unha parte do contorno Rede Natura 2000. Camiñando pola senda do río podemos apreciar a fervenza de Monte Porreiro e as ruínas do antigo balneario do Lérez. Situada ao noroeste da Península Ibérica, Pontevedra é unha cidade administrativa, monumental, turística e de servizo. Urbe de arte e historia, conta cunha zona monumental que, tras a de Santiago de Compostela, se posiciona como a máis importante de Galicia.
Galería
Localización
- Localidade
- Pontevedra
- Concello
- Pontevedra
- Provincia
- Pontevedra
- País
- España
O ben
- Tipo
- Río
- Eco-destino
- Ría de Pontevedra
- Contorna
- Natural
- Relevancia
- Internacional
Como chegar
- Acceso
- Por mar Por terra
- Distancia
- 1.000km
A visita
- Visitábel
- Si
- Accesible
- No
- Aparcadoiro
- No
Coordenadas
- Latitud
- 42.43589900
- Longitud
- -8.64397300