Valga. Museo Bella Otero
Sobre este patrimonio
Co pretexto de querer divulgar o patrimonio natural e a historia do Concello de Valga naceu o Museo da Historia de Valga. Onde se expoñen restos atopados en Igrexa Vella, a prospección arqueolóxica de Agramar e o xacemento do Mercado dos Mouros, entre outros. Un percorrido desde a Idade do Bronce ata a localidade moderna. Así como tamén a figura da súa veciña máis ilustre, Agustina Carolina Otero Iglesias, máis coñecida como "A Bella Otero". O inmoble principal do museo, de recente construción, está dividido en catro zonas expositivas onde historia, arte, xeografía e etnografía fan unha visita de gran interese.A planta baixa faise unha presentación centrada no territorio e o medio natural do Concello de Valga. Na primeira planta atopamos un percorrido pola historia de Valga desde os seus primeiros poboadores ata chegar ao mundo contemporáneo. A zona do entresoleiro está dedicada á vida e obra do historiador valgués Xesús Ferro Couselo. O espazo da última planta xira arredor da apaixonante figura da "Bella Otero". Conta cunha exposición cronolóxica dos capítulos da historia do personaxe, dentro dun contexto socioeconómico e político a nivel mundial. Tamén reflíctese o papel da muller ao longo da historia e a súa contribución á sociedade. Anexado atópase outro edificio expositivo. Trátase dunha representación e recuperación da casa tradicional galega de finais do século XIX. Esta casa, vinculada á infancia da Bella Otero e cunha coidada recreación etnográfica, reflicte non só a cultura e tradicións galegas, senón que nos amosa como foron os primeiros anos da artista que coroou a Belle Epoque.
Para saber máis
Bella Otero residiu en Francia na Belle Époque Française. Foi bailarina, cantante actriz e cortesá. Unha parte do centro configúrase arredor deste personaxe da Bella Otero na súa casa natal, pola súa singularidade e o seu amplo coñecemento mundial. O aprecio pola súa aldea natal quedou reflectido no seu testamento onde legaba os seus bens aos máis necesitados de Valga, que naquel momento se limitaba a 609 francos.O edificio conta con tres pisos cunha estética coidada e atractiva que permite un achegamento agradable ao entorno de Valga e ao seu pasado histórico.Na planta baixa está exposta unha presentación do territorio de Valga, os seus recursos naturais (río Ulla, fervenzas Parafita, Mina Mercedes) e as principais vías que atravesan o municipio como o Camiño Portugués ou o Camiño Real. Para que o visitante se sitúe no contexto xeográfico de Valga.A primeira planta achega ao turista á Historia de Valga propiamente dita. Comeza o seu percorrido histórico desde 1800 a.C. ata hoxe e realízase unha revisión dos principais elementos históricos e artísticos.O visitante obtén información sobre as igrexas románicas ou neoclásicas e logo pode visitalas en vivo. Tamén se atopan restos arqueolóxicos de Igrexa Vella ou un antigo porto romano a beiras do Ulla, Mercado dos Mouros aínda visitables.Poderán coñecer fitos ou obras de arte, como a Batalla de Casaldeirigo, que marcou a vitoria dos veciños e veciñas de Valga fronte ás tropas napoleónicas, ou ver unha peza de gran beleza como o Capitel de Setecoros que data do século VI.A planta dedicada ás persoas ilustres é a segunda. Por unha banda, a área dedicada a Xesús Ferro Couselo, onde se aborda tanto á figura erudita como á persoa. Por outra banda, a especial e misteriosa Bella Otero, con pezas únicas como un facsímil do seu certificado de nacemento, periódicos internacionais da época, figuras en cerámica ou a única gravación que se conserva da que foi a artista máis recoñecida de Belle Epoque, un pequeno vídeo filmado polo cámara dos irmáns Lumiere, só 10 anos despois de que o cine fose inventado.Nun edificio anexo atópase a Casa de Bella Otero. É unha casa tradicional, recreada con pezas etnográficas, que permite ter unha idea do modo de vida de finais do século XIX e principios do XX, non só en Valga senón en Galicia.
Para coñecelo mellor
Valga é un municipio que pertence á provincia de Pontevedra. Limita ao norte cos municipios de Dodro e Pontecesures e con Catoira e Caldas de Reis, ao sur.Valga conta cun centro museístico onde se pode aprender sobre a historia e o patrimonio do municipio: o Museo Histórico Local. Unha das figuras máis importantes do concello foi Agustina Carolina Otero Iglesias, máis coñecida como A Bella Otero. De feito, o museo localízase na propiedade da súa familia, pois restaurouse como un atractivo turístico. A Bella Otero foi unha bailarina, cantante, actriz e cortesá afincada en Francia, pero nacida en Valga. A súa casa é o novo museo e nel reflíctese o amor que tiña esta muller ao municipio. Hai unha exposición cronolóxica da súa vida e do papel da muller ao longo da historia. Ademais, no seu testamento reflectiu o seu desexo de deixar os seus bens aos máis necesitados do municipio. Por outra banda, no museo tamén podemos atopar restos atopados en Igrexa Vella, as investigacións arqueolóxicas de Agramar e o xacemento do Mercado dos Mouros.
Galería
Localización
- Localidade
- Valga
- Concello
- Valga
- Provincia
- Pontevedra
- País
- España
O ben
- Tipo
- Museo
- Eco-destino
- Ría de Arousa
- Contorna
- Rural
- Relevancia
- Local
Como chegar
- Acceso
- Por terra
- Distancia
- 3,500 km
A visita
- Horario
- Tipo de Entrada: Gratis / Horario de apertura de Luns a VenresDe 10:00 a 13:00
- Visitábel
- Si
- Accesible
- Sí
- Aparcadoiro
- No
Coordenadas
- Latitud
- 42.69923900
- Longitud
- -8.64846900