Viana do Castelo. Centros náuticos

Sobre este patrimonio

Viana do Castelo é unha cidade atlántica situada na desembocadura do río Lima, está localizada a uns 30 minutos do Porto e a 40 de Vigo (Galicia, España). Como está comunicada por autoestradas funcionais e por un porto de mar, resulta fácil e cómodo chegar a esta cidade, na que os visitantes poden gozar dunha notable calidade de vida, xa sexa pola tranquilidade e seguridade da súa vida urbana, como pola riqueza do seu patrimonio natural, monumental e histórico, e, tamén, pola existencia de excelentes equipamentos culturais, deportivos e sociais.

As praias circundantes son unhas das mellores do mundo para realizar actividades como o surf, windsurf, kitesurf ou bodyboard. Moitos visitantes aproveitan estas características para vir a Viana a realizar este tipo de deportes.

Ademais, o río Lima proporciona a práctica doutros deportes como o jet-ski, a vela, o remo, o piragüismo, a pesca ou simplemente un paseo en barco. Tamén o buceo é outra das modalidades que se pode realizar neste paraxe e así coñecer a fauna e flora acuática do leito do río e mariño. Diferentes empresas e clubes ofrecen este tipo de actividades como o Surf High Performance Centre Viana do Castelo (HPC) que leva funcionando desde 2009, o Viana Beach Center dedicado a varias modalidades como surf, wind surf, kitesurf ou bodyboard, o Surf Clube de Viana, fundado en 1989, que ten por obxectivo promover actividades de carácter cultural, recreativas, turísticas e deportivas, particularmente o fomento da práctica do surf, bodyboard, stand up paddle, skate e restantes disciplinas do surfing" ou o Clube de Vela de Viana do Castelo fundado en 1979 e que tamén imparte formación a adultos e pequenos na súa escola de vela. Cavaleiros do mar que, entre outros deportes acuáticos, tamén fai inmersións de buceo."

Para saber máis

Nas praias de Cabedelo, Rodanho, Afife, Vila Praia de Âncora e Moledo pertencentes ao distrito de Viana do Castelo practícase o surf desde 1987. A costa de Viana é unha das máis consistentes de Europa no que a ondas se refire, os seus extensos areais expostos a mar aberto e a paisaxe circundante de cordóns dunares e de piñeirais aportan unha beleza e encanto propios da costa portuguesa.

Desde esta localidade comezou a estruturarse o surf portugués na década dos anos 90 onde se deron o seu bautismo de surf os primeiros practicantes da cidade tales como Adolfo Stuart, João Paulo Rodrigues, Rui Rego, Luís Filipe, Nuno Silva, João Zamith, Jim Gomes, Diogo Neves, João Santos, Guilherme Bastos, entre outros moitos.

Actualmente polo seu enclave e proximidade ás principais cidades do país, e mesmo fóra del, é lugar ao que acoden miles de visitantes que gozan de todas as modalidades de deporte acuático.

Dentro do marco de ancoraxe no Clúster do Coñecemento e da economía do Mar intégrase o Centro do Mar que aposta polo desenvolvemento da náutica recreativa e dos deportes náuticos para o fortalecemento da posición de Viana do Castelo como cidade náutica do Atlántico. Este proxecto, comprende un Centro de Interpretación Medioambiental e de Documentación do Mar, que abriu as súas portas nun espazo dentro do barco Gil Eannes, para promover e poñer en valor o patrimonio marítimo e náutico nas súas diversas manifestacións; tres innovadores Centros Náuticos (Piragüismo, Remo e Vela) e un Centro de Alto Rendemento de Surf.

Para coñecelo mellor

Viana do Castelo atópase no norte de Portugal e destaca pola súa industria e pola construción naval. Conta cun casco histórico onde destacan as igrexas, os pazos, os conventos e as fontes, e máis especialmente, a Praça da República, o edificio da Misericordia do século XVI e a Casa Consistorial. Por outra banda, coñécese a Viana do Castelo como un municipio en defensa do mar pois, nos seus inicios, gran parte da súa poboación estaba dedicada á pesca.

No porto, creouse un espazo que se centra nas actividades acuáticas como a vela, o remo, o surf ou un paseo en canoa. Ademais, o club tamén participa en regatas e grazas ás súas diferentes clases, tamén se poden practicar actividades acuáticas como windsurf, kitesurf ou bodyboard.