Vigo. Porto pesqueiro de Europa

Sobre este patrimonio

O porto de Vigo ten unha superficie de 241.238 m2 e está considerado como un dos primeiros portos pesqueiros comercializadores do peixe de consumo humano do mundo. A súa lonxa é famosa, por mover boa parte de todo o peixe que se consume en España e Europa.

Aínda que o seu centro operativo se atope no propio termo municipal, o porto de Vigo comprende as franxas de litoral en ambas marxes da Ría de Vigo abarcando territorio e augas de cinco municipios: Vigo, Redondela, Vilaboa, Moaña e Cangas.

No porto pesqueiro de Vigo atópase a pesca fresca, na zona do Berbés, onde se topan 4 dársenas, e os seus peiraos correspondentes, no cal se asentan as principais empresas do sector de comercialización e venda.

Ademais, tamén se ubican os principais centros de Investigación Pesqueira de Oceánica das distintas Administracións Autonómicas, Centrais e europeas. Inclúe, así mesmo, a actividade de cultivo en medio mariño de especies específicas de alto valor (rodaballo, lubina, ostra, mexillón, linguado e outros mariscos) que se asentan ao longo de polígonos nas augas da Ría e Porto de Vigo.

Para proceder á primeira venda e distribución do produto pesqueiro, o porto de Vigo dispón de cinco lonxas: de Altura, de Bajura e Grandes Peixes, de Litoral, de Mariscos e a Lonxa Dixital. Outros edificios que conforman o porto son departamentos de armadores, para locais de elaborado de peixe e marisco fresco de exportadores e vendedores, así como para as súas oficinas. Todos estes sectores forman o clúster da pesca, e son un conglomerado multidisciplinar de empresas, que se necesitan e retroalimentan unhas con outras.

Para saber máis

O orixe do porto de Vigo remóntase aos primeiros asentamentos da antigüidade que permitían desenvolver a súa actividade ao abrigo desta ría tan produtiva. En gran parte alimentábanse do marisqueo a pé por esta zona costeira. Pouco a pouco foron especializándose e evolucionando nas artes e técnicas da pesca. Estas terras viron pasar diferentes pobos ao longo dos séculos. Fenícios, gregos, celtas e romanos foron deixando a súa pegada e coñecemento nos habitantes e na súa forma de vivir xunto ao mar. A ría tamén foi atacada por hordas de normandos e naves piratas turcos e ingleses. Foi testemuña de batallas épicas como a Batalla de Rande, a principios do século XVIII. É a finais deste século, cando un grupo de emprendedores de orixe catalán chegou a Vigo e pon en fundamento a incipiente industria pesqueira e conserveira, coas súas técnicas de salgadura e salmoura.

Outro factor importante no desenvolvemento deste porto foi a instalación do Lazareto na illa de San Simón que empezou a dar servizo en 1842. Os barcos de mercadorías, procedentes do Caribe, tiñan que estar varios días parados mentres os seus tripulantes pasaban a corentena. E isto daba pé a que en Vigo se realizasen reparacións e mantemento dos barcos. Para iso construíronse estaleiros e zonas de reparación, con correspondente aumento do desenvolvemento da cidade.

No século XIX chegou a ser o porto principal do norte da península e durante a primeira metade do século XX tivo un frenético desenvolvemento xa que as infraestruturas portuarias xa non só dan atraque e abrigo, senón que son tamén depósito de mercadorías cada vez máis importante, sobre todo, tras a chegada do ferrocarril aos peiraos. Durante a segunda metade deste século a actividade viu incrementada caracterizada polo tráfico de pasaxeiros emigrantes, a revolución da pesca conxelada e a chegada da industria automobilística á cidade. Actualmente continúa a súa actividade sendo un dos portos que move boa parte de todo o peixe que se consume en España e Europa.

Para coñecelo mellor

Vigo é unha cidade galega situada na provincia de Pontevedra que se caracteriza por xerar unha gran actividade pesqueira. O seu porto pesqueiro, situado no océano Atlántico, é un dos maiores do mundo e é xestionado pola Autoridade Portuaria de Vigo.

O porto de Vigo, situado na Ría de Vigo, creouse en época romana e medrou tanto que hoxe en día, proporciona 6.000 empregos directos e conta con 357 empresas pesqueiras, entre elas, unha das maiores compañías mundiais de ultraconxelados, a famosa Pescanova".

Ocupa unha superficie terrestre de uns 241.238 m² onde podemos atopar: catro dársenas (para descargar, para reparacións, para usar como estancia, etc.), unha zona de viveiros, outra de frigoríficos e cinco lonxas: de Altura, de Bajura e Grandes Peixes, de Litoral, de Mariscos e a Lonxa Dixital. Todo iso, fai posible que este porto mova ao ano máis de 720.000 toneladas de produtos mariños, converténdose no maior porto pesqueiro de Europa."