DESCUBRE OS TESOUROS SUBMARINOS DA RUTA XACOBEA E DO MAR DE AROUSA

Descrición

Con este itinerario gozarás dunha experiencia submarina e gastronómica mentres descubres os lugares polos que segundo conta a lenda, o corpo do Apóstolo Santiago chegou desde Xerusalén ata Galicia. Este itinerario forma parte da ruta Xacobea Mar de Arousa.Conta a tradición que Santiago o Maior, un dos apóstolos predilectos de Xesús, que foi decapitado por orde de Herodes Agripa, foi trasladado polos seus discípulos nunha barca sen timón, que Deus guiou desde Palestina ata as costas galegas, onde foi enterrado. Sobre a tumba ergueuse un mausoleo segundo o modelo das necrópoles romanas, formado por unha pequena construción rodeada de columnas, cuxos restos permanecen no subsolo da Catedral de Santiago de Compostela.Durante o itinerario submarino mergullarémonos nos contornos de Ribeira, A Pobra do Caramiñal e Boiro. Descubriremos illas, faros, as famosas bateas de mexillón e zonas rochosas submarinas onde habita o famoso marisco de Galicia. Aproveitaremos para visitar os barrios mariñeiros de Ribeira, A Pobra do Caramiñal, Escarabote (Boiro) e Rianxo. Por último gozaremos dunha xornada de relax na praia de Cabio en A Pobra do Caramiñal, podendo realizar paseos en kayak ou en Táboa de Paddle Surf pola zona. Visitaremos museos e centros de interpretación da cultura mariñeira e igrexas vinculadas a Santiago Apóstolo acompañados polos nosos guías.A Traslatio Xacobea está promovida pola Fundación Ruta Xacobea Mar de Arousa. Para a súa obtención é necesario ter a Cartilla Náutica e realizar polo menos dous selados en dous portos da Ría de Arousa e realizar o último selado e entrega de Diploma na Igrexa de Santiago de Padrón. Este circuíto inclúe o selado en Ribeira, A Pobra do Caramiñal.Esta ruta inclúe durante as inmersións paradas no mar para descubrir en vistas panorámicas o patrimonio de interese a través do uso da aplicación de realidade aumentada NAR

Que inclúe

• Embarcación semirríxida para os traslados aos puntos de inmersión.
• Aloxamento 3 noites en Villa Isaura, con capacidade para 6 pax.
• 3 xantares lixeiros en base náutica
• 2 inmersións con equipo de mergullo completo.
• 1 día de iniciación ao kayak e paddle surf con equipamento incluído.
• Guía instructor submarinista durante todas as inmersións.
• Entradas aos Museos detallados no itinerario.
• Cartilla náutica Traslatio Xacobea da Ruta Xacobea Mar de Arousa e Río Ulla.
• Aplicación móbil para vistas panorámicas en miradoiros de realidade aumentada con audioguías en 5 idiomas.
• Seguro básico de viaxe (non cobre a actividade de mergullo)

Non inclúe

Calquera outro servizo non expresamente incluído no epígrafe anterior- Traslados por terra desde o aloxamento e as actividades por conta do cliente- Seguro específico para a actividade de mergullo (dispoñible en destino: 7EUR por inmersión).

Recomendacións

É necesario dispoñer e presentar titulación vixente para a realización das actividades submarinas: O. W. D. Open Water ou primeiro nivel de calquera organización internacional incluídas nas R. S. T. C. Europea, norma CEE.