Puerto Cabodeiro

Provincia de Pontevedra

Sobre este porto

O porto de Cabodeiro atópase no noroeste da Illa de Arousa, un espazo natural privilexiado situado no corazón da ría, na provincia de Pontevedra. Na actualidade únese ao continente mediante unha ponte de 2 quilómetros. A Illa de Arousa propón ao visitante o desfrute das súas fermosas praias, excursións ao parque natural de Carreirón (declarado en 1989 “Zona Húmida de importancia Internacional”), a práctica de actividades acuáticas ou simplemente degustar a súa deliciosa gastronomía. A pesca, o marisqueo e o cultivo do mexillón nas características bateas son o medio de vida dos seus habitantes.

Entrada ao porto

Derrotero e indicacións de aproximación

Para entrar en Cabodeiro deixaremos o canal principal da Ría de Arousa e tomaremos derrota ao pasar a boya de entrada a través do canal de entrada entre os polígonos de bateas ao oeste e este. Pasaremos o canal específico de entrada a Vilanova ata chegar ao final do polígono de bateas do oeste.

Bordearemo-lo con rumbo 270 e ao rematalo tomaremos derrota de 340 ao peirao de Cabodeiro. Preto do peirao á estribor hai uns baixos que están marcados nas cartas.

Para acceder a este pantalán hai que ter en conta as mareas, por razóns de calado.