Domaio. Porto de Domaio

Sobre este patrimonio

Domaio pertence ao Concello de Moaña, un municipio que pertence ao grupo de concellos que conforman a península do Morrazo, en harmonía con Bueu, Cangas e Marín e que ofrecen aos seus visitantes un senfín de oportunidades para gozar das paisaxes máis incríbles, as praias máis encantadoras ou da súa gastronomía elaborada con peixes e mariscos frescos da ría.

Pero se a riqueza natural da comarca en canto a paisaxes costeiras se refire está ao máis alto nivel, os seus montes, desde os que se poden ver paisaxes espectaculares non quedan atrás. A vista nocturna da Ponte de Rande é un exemplo diso.

Domaio, conta con 2 portos, o porto antigo de Domaio e o actual porto ubicado na Ensenada de Mouro, que conta con 198 puntos de atraque repartidos en 9 pantaláns. O porto está protexido por unha barreira de bloques. A maioría dos amarre pertencen á sociedade xestora, a cal se encarga do seu mantemento.

As costas de Domaio viviron moitos momentos históricos, como a batalla naval de 1702, na que estaba en xogo a sucesión á Coroa de España e a defensa dos tesouros da Flota da Prata. No fondo da súa costa, descansan os buques que se afundiron para evitar que caesen en mans inimigas e que deu orixe á lenda do Tesouro de Rande"."

Para saber máis

Domaio e Moaña, regálannos un importante patrimonio cultural. Entre outras moitas cousas, podemos destacar as Mámoas do Chan de Arquiña e os seus restos arqueolóxicos, o Museo das Carreiras, o Pazo do Rosal, A Igrexa de San Martiño ou as rutas ata as praias de Vedeira, Meira, Domaio, O Con ou A Borna.

Mención especial, o Faro de Domaio, que se eleva ata unha altura de 636,20 m. e marca o punto máis alto da Comarca. Desde este monte, téñese pleno dominio das rías de Vigo e Pontevedra. A vexetación está dominada polo carballo e o castiñeiro como mostra do bosque Atlántico, aínda que outras especies foron gañando espazo coa axuda do home.

O Monte de Domaio tamén ten espazo para o lecer, sobre todo para os amantes da historia e a arqueoloxía, como a zona de Chan da Arquiña na que se atopa un monumento megalítico co mesmo nome, unha mámoa con máis de 5.000 anos, composta dunha cámara poligonal con 11 pedras verticais e un corredor de 5 pedras.

Desde o porto de Domaio podemos observar un polígono de bateas nas que se crían os apreciados mexillóns. Ambos portos contan con praias próximas. A praia da Tella, a praia do Almacén, a praia de Fontexelo ou a praia de Quixeira na ensenada do Mouro e a praia do Porto pegada ao porto de Domaio.

Para coñecelo mellor

Domaio, unha parroquia de Moaña, conta cun gran porto. Dispón de 198 puntos de atraque en 9 pantaláns e unha barreira vertical de bloques de formigón. Esta barreira é a encargada de protexer a instalación de forte oleaxe e de ventos. A praia de Domaio é de area fina e atópase moi preto do peirao. Desde ela, pódense ver as bateas que se atopan na Ría de Vigo.

Moaña é un municipio que está situado na provincia de Pontevedra, na costa do Morrazo. Esta última está formada por cinco concellos: Bueu, Cangas, Marín, Moaña e Vilaboa. No centro de Moaña destaca o porto, principal provedor do seu mercado e dos diferentes restaurantes da zona. Ademais, nesta zona tamén se poden ver as típicas casas dun barrio mariñeiro, de pouca altura e cores variadas.