Vilanova de Cerveira. Praia da Lenta
Sobre este patrimonio
Á beira do Miño atópase a praia fluvial da Lenta que pertence á vila de Lovelhe, en Vila Nova de Cerveira que á súa vez pertence ao distrito de Viana do Castelo na rexión Norte de Portugal. Esta fermosa praia fluvial está situada nunha especie de lingua de area que se sitúa no río Miño creando unha pequena península. Posúe bos accesos e equipamentos como parque infantil, merendeiro, bancos para descansar, ademais de restaurante e bar. É un lugar idílico onde observar as augas do Miño, preto da súa desembocadura, e as especies de flora e fauna típica ribeireña. Pódese acceder desde Vilanova de Cerveira porque existe unha ecopista que conecta ata Valença, a cal percorre a marxe do río e ten unha extensión de 13,5 km. É ideal para ir en bicicleta en calquera época do ano. Moi preto deste enclave atópase nun altiplano, fronte ao Miño, o forte ou atalaia de San Francisco de Lovelhe. Construíron esta fortaleza porque a de Vilanova de Cerveira non garantía a defensa dese tramo do Miño, pois non estaba en absoluto adaptada ao uso da artillería. A edificación está conformada por unha pequena planta pentagonal e composta por cinco defensas irregulares. A súa construción comezou en 1642 e 1663, durante a Guerra de Restauración e logo foi renovada en 1797. En 1809 foi destruída polas tropas do xeneral Soult. Actualmente atópase en ruínas.
Para saber máis
Outro enclave importante na zona que indica o asentamento humano desde tempos remotos e con séculos de historia que se relacionan con Vila Nova de Ceveira é a Estación arqueolóxica de Lovelhe. Aquí, pódense observar ruínas do período castrexo. Unha rúa central separa dúas cuadras, coas típicas casas redondas. Cada bloque pertencía a unha unidade familiar. Vense ben definidas as covas redondeadas, os silos, onde se conservaban os alimentos xa que este pobo se dedicaba á agricultura e á pesca. A finais do século I d.C, este lugar comeza a ser profundamente alterado, froito da romanización que coñecerá o seu auxe no século IV d.C. A poboación comeza a ocupar zonas máis próximas ao río. As construcións, agora de tipo romano, pasan a ser máis complexas: casas máis grandes, construídas en terrazas, adaptadas á morfoloxía do terreo, con varios compartimentos e almacéns. Nos almacéns gardábase, entre outros produtos, o viño, o aceite e as tradicionais conservas en salazón de peixe dos romanos. Na marxe do río Miño habería un peirao, primeiro natural, e despois artificial, que permitía que este lugar funcionase como almacén comercial. Os produtos que aquí chegaban eran exportados a nivel rexional desde este peirao. O final da Época Romana resultou ser o final do esplendor económico, proporcionado polas boas relacións comerciais. No século VI, tivo inicio a época suevo-visigótica. Os restos desa fase teñen unha calidade estética e constructiva inferior e de menor durabilidade que a época romana. Esta estación arqueolóxica é a única do país que conserva intactos niveis desta época. A partir do século XI o lugar foi practicamente abandonado e non sería ata o século XVII, durante o período da Guerra de Restauración que se construíu no alto do monte, o forte de Lovelhe. Do castro e as construcións romanas colindantes foron aproveitadas as súas pedras para edificar o Forte que reforzaría o sistema de defensa da fronteira.
Para coñecelo mellor
Nas proximidades do Río Minho pódese visitar a praia da Lenta. Unha pequena praia fluvial de area e con moita arborado. Neste espazo podes gozar da natureza no seu esplendor, por iso, é necesario que todos os visitantes sexamos coidadosos pois, é un paraíso natural. É moi visitada a cafetería que se atopa a moi poucos metros do río, pois despois dun paseo en bici sempre senta ben hidratar o corpo.
Galería
Localización
- Localidade
- Vilanova de Cerveira
- Concello
- Vilanova de Cerveira
- Provincia
- Distrito de Viana do Castelo
- País
- Portugal
O ben
- Tipo
- Casco antigo
- Eco-destino
- Río Miño
- Contorna
- Rural
- Relevancia
- Internacional
Como chegar
- Acceso
- Por terra
- Distancia
- 23,6 km / 27 minutos en coche
A visita
- Visitábel
- Si
- Accesible
- No
- Aparcadoiro
- No
Coordenadas
- Latitud
- 41.957109358472685
- Longitud
- -8.746403307484034