Fortaleza Salvaterra. Museo do viño albariño

Sobre este patrimonio

A Fortaleza de Salvaterra e as súas impoñentes murallas desde as que se pode gozar de unhas fermosas vistas da Vila, é unha construción orixinaria da Idade Media. A fortaleza e as súas dependencias formaban unha magnífica atalaia sobre o río Miño.

O conxunto histórico ocupa uns 9700 metros cadrados e o forman as súas garitas, a Casa do Conde, o Palacio de Doña Urraca e a capela da Virxe da Oliveira, esta, inmediata aos muros do castelo.

O palacio de Doña Urraca, é unha edificación de 2 plantas con simétricas bóvedas comunicadas por unha escaleira de caracol de dobre rampa única en España.

A importancia do Viño no Condado do Tea, queda reflectida na existencia dun Museo do Viño Albariño, xa que esta zona, é unha das subzonas de referencia do Viño Albariño.

Este museo está situado no interior da Fortaleza de Salvaterra e entre o seu equipamento atópanse elementos museográficos de última xeración. Aplicacións multisensoriais, interactivas e outros recursos gráficos que nos guiarán ao longo da nosa visita ao museo.

No Museo da Ciencia do Viño do Condado do Tea, faise un repaso pola historia da viticultura en toda Galicia, a vide, o viñedo... e todas as labores necesarias da viña, como a poda, a vendima ou o enxerto. Unha visita obrigada para os amantes dos viños de calidade nun entorno inigualable.

Para saber máis

Para entender a construción desta fortaleza datada no século X hai que retroceder ata as pugnas entre Doña Urraca e a súa irmá Teresa de Portugal ou á do Conde de Camiña, máis coñecido como Pedro Madruga, que a utilizou como refuxio fronteirizo nas súas disputas co arcebispo Fonseca.

Neste contexto, o castelo pertenceu a Portugal entre 1642 e 1659 grazas á traizón perpetrada polo portugués Gregorio Lopes de Poxa contra o seu amigo o señor García Sarmiento, o cal, deixarao ao cargo da fortificación. Gregorio Lopes de Poxa acabaría entregando o castelo a Rodrigo de Vasconcelos e Sousa, conde de Castelo Melhor no ano 1643.

Esta fortaleza, dada a súa situación xeográfica e ubicación aos pés do Río Miño, tamén xogou un papel moi importante durante a sublevación de Portugal no ano 1640, na que se enfrontaron tropas portuguesas e españolas.

Salvaterra do Miño ten moito que ofrecer aos seus visitantes, como a Festa do Viño do Condado do Tea, que se celebra o último fin de semana do mes de agosto e rende homenaxe ao prezado viño do Condado, que pertence á D.O. Rías Baixas. Brancos albariños e brancos e tintos do Condado.

Un último apunte, pódese facer unha visita de aproximadamente unha hora e media e percorrer as vilas de Monçao e Salvatierra do Miño sentado cómodamente no típico coche-tren turístico.

Para coñecelo mellor

Localizada na beira do Río Miño, a fortaleza de Salvaterra do Miño, é unha construción de uns 9.700 metros cadrados do século X ou XI que forma un recinto amurallado de planta rectangular. A muralla consérvase en perfectas condicións grazas a unha restauración recente levada a cabo por parte do Concello. No seu interior, atópanse as Covas de Doña Urraca, un conxunto arquitectónico do século XVII que ten este nome porque era a habitación da monarca Doña Urraca durante a batalla que mantivo coa condesa Teresa de Portugal. Ademais, consérvase unha escaleira de caracol, a casa do Conde e a capela da Virxe da Oliveira. Actualmente, estas instalacións foron rehabilitadas para conformar o Museo da Ciencia do Viño do Condado do Tea.

Salvaterra do Miño é un municipio no suroeste de Galicia, na provincia de Pontevedra, a moi pouca distancia de Portugal. Ocupa uns 61,79 quilómetros cadrados de superficie e conta con 9.800 habitantes distribuídos en 17 parroquias: Alxén, Arantei, Cabreira, Corzáns, Fiolledo, Fornelos, Leirado, Lira, Lourido, Meder, Oleiros, Pesqueiras, Porto, Salvaterra, Soutolobre, Uma e Vilacoba.

Este concello supón unha boa elección para visitar con toda a familia, pois podemos gozar da súa fortaleza, do río Miño, dun paseo fluvial vendo a illa de Fillaboa, da súa gastronomía e do considerado o maior parque público galego ata o momento.