Arbo. Río Miño. Praia fluvial de Sela

Arbo

Sobre este patrimonio

Arbo é un municipio con 43 quilómetros cadrados de extensión e está situado no corazón da provincia de Pontevedra. No seu límite sur ábrese ao río Miño, sendo así unha ponte natural entre Galicia e o Norte de Portugal. Un dos maiores atractivos deste municipio é o tesouro natural que agochan as augas do río Miño ao seu paso por esta poboación, a lamprea. Este peixe atopou neste lugar un dos mellores ambientes para desenvolverse, por iso tamén se lle coñece como a capital da lamprea". O río Miño é un dos ríos máis longos de Galicia e o máis caudaloso unha vez que se une co seu principal afluente o río Sil. Ao seu paso por Arbo atopámonos coa parroquia de Sela, un dos seus principais atractivos é a súa praia fluvial que recibe o mesmo nome, Praia Fluvial de Sela. Consta dunha zona de lecer con merendeiro, zona de pesca e un contorno exclusivo para relaxarse. Moi preto da praia fluvial, a cabalos da Pesqueira chamada "o Puntal do Canelas", atópanse o Manancial de Augas Medicinais de Sela, augas que no seu momento foron embotelladas e exportadas a distintas zonas da xeografía galega. Unha Pesqueira é unha construción romana de interese arquitectónico e etnográfico, que os romanos xa utilizaban para a pesca da lamprea, na actualidade forma parte da vida cultural e gastronómica dos habitantes de Arbo, sendo utilizadas aínda para este mesmo fin e podendo desfrutar da súa pesca durante todo o ano coas mesmas técnicas artesanais, sostibles e respectuosas co medio ambiente."

Para saber máis

O municipio de Arbo está bañado por tres ríos, Deva, Cea e Miño, estes confírenselle un microclima especial que permite a práctica de calquera actividade natural en calquera época do ano, ademais de convertelo nun dos lugares máis idóneos para o cultivo da vide e así ser lugar de orixe dalgúns dos viños máis selectos como o albariño e o condado. O río Miño ten unha lonxitude de 310 km e un caudal medio de 340 m3/S, atópase situado no noroeste da península ibérica. Ao seu paso por Arbo atopámonos coa parroquia de Sela, un dos seus principais atractivos é a súa praia fluvial que recibe o mesmo nome, Praia Fluvial de Sela. Consta dunha zona de lecer con merendeiro, zona de pesca e un contorno exclusivo para relaxarse. Moi preto da praia fluvial, podemos atopar o Manancial de Augas Medicinais de Sela. Nesta parroquia o valor terapéutico destas augas foi descuberto en 1900 polo párroco José Pérez Domínguez. A comercialización da auga mineral foi conseguida polo alcalde daquela e veciño de Sela, don Antonio Pérez e Barreira, era vendida embotellada e comercializada co nome de Augas Minerais de San Martín de Sela. Augas que emerxen a unha temperatura de 20º, e na actualidade cunha capacidade de subministración diaria de uns 500 litros, moi preto podemos atopar o xacemento de O Cabrón, o primeiro home que viviu nas terras de Arbo foi o Homo Neandhertal Arcaico, así o atestiguan as ferramentas líticas atopadas neste xacemento. Deste primeiro capítulo da historia do home como ser social e sedentario, quedan manifestacións como as mámoas de Chan do Rei en Cabeiras ou a de San Martiño de Sela; así como máis de cincuenta grupos de rochas con petroglifos como o de San Xoán de Mourentán ou o do Cándido.

Para coñecelo mellor

A parroquia arbense de Sela conta cunha praia fluvial que leva o seu mesmo nome. Está formada polas augas do río Miño e nela pódese desfrutar de paseos, dun merendeiro, así como dunha zona de pesca. Ademais, pódese realizar un interesante percorrido pola beira deste curso fluvial que se coñece como A Ruta das Pesqueiras". As Pesqueiras son construcións de pedra creadas en orixe polos romanos e compóñense de muros encarados uns aos outros e suxeitos a ferros. Esta disposición fai que a auga pase polo medio de cada muro, de modo que, nese oco, os pescadores poden colocar unha rede en forma de cono, chamada "Butrón". A través desta técnica conséguese que a corrente guíe ás lampreas cara a estas trampas para ser, así, finalmente capturadas. En Sela, tamén se atopa o Manancial de Augas Medicinais onde no seu momento, as augas foron embotelladas e exportadas a diferentes zonas de Galicia. Esta parroquia atópase no municipio de Arbo, na provincia de Pontevedra.