Vila termal de Cortegada

Cortegada

Sobre este patrimonio

Santa María de Cortegada, é unha das vilas termais máis importantes de Galicia debido á importancia das súas augas termais. Ten unha extensión de 2,5 quilómetros cadrados e a súa poboación apenas chega ao medio milleiro de habitantes. O balneario está situado na beira esquerda do río Miño, pegado ao cauce, un pouco máis arriba atópanse os denominados Baños do Monte coñecidos desde 1947. O balneario é de recente reconstrucción e dotouse de unhas modernas instalacións terapéuticas. As súas augas son sulfuradas-bicarbonatadas-fluoradas sódicas e litínicas, cunha temperatura media de 26 graos, indicadas para afeccións do fígado, tratamentos da pel e do aparello dixestivo. Os Baños do Monte conservan sen uso a casa de baños antiga, existe unha caseta de baños de recente construción que é a que se utiliza agora. Aquí ademais temos unha fonte ferruxinosa, con augas apropiadas para casos de anemia, e dúas máis de auga oligometálicas utilizadas como bebida diurética. A calidade das augas termais que afloran en Cortegada valeulle a principios do século XIX o recoñecemento de centro de utilidade pública". Estas casas de baños como se coñecían por aquel entón eran lugar de repouso e encontros da alta sociedade da época. Esta vila termal goza doutras riquezas naturais como as súas paisaxes entre ríos e montañas. Percorrendo este enclave, podemos gozar do seu patrimonio arquitectónico con igrexas, capelas, pazos e fontes repartidas por todas as súas parroquias como a Igrexa de San Benito de Cortegada, de estilo barroco que acolle dúas romarías en marzo e en xuño e ao seu santo atribúeselle o poder de curar as verrugas ou o seu atípico Cruceiro. Tamén moi preto do antigo balneario de Cortegada, podemos gozar das vistas que nos ofrece o miradoiro de O Coto da Pena sobre o río Miño."

Para saber máis

Cortegada atópase no val central do río Miño ao sur da provincia de Ourense a 20 quilómetros da fronteira con Portugal. Limita ao norte con A Arnoia, ao leste con Gomesende, ao sur con Pontedeva e ao oeste con Crecente. Cortegada tamén se denomina Cortegada de Baños, debido aos balnearios existentes. As augas termais da localidade de Cortegada foron das primeiras casas de baños que tiveron, a principios do século XIX, recoñecemento de "centro de utilidade pública". Aínda que os dous mananciais existentes xa se coñecían, non se utilizaron ata 1818. Foron lugar de repouso e encontro da xente pudente da época. No primeiro deles reconstruíuse e acondicionouse recentemente o seu antigo edificio, dotado con unhas modernas instalacións terapéuticas, as súas augas foron captadas cun sondeo de 6 metros de profundidade, debido a que o seu antigo manancial quedou anegado polo río despois da construción do encoro de Frieira nos anos 60. O segundo balneario son os Baños do Monte, as súas augas xa eran nomeadas desde 1497, ano no que o mosteiro de Celanova afora un monte e os baños de Cortegada. Os Baños do Monte teñen aínda a casa de baños antiga, pero que xa non se utiliza, habéndose construído recentemente unha nova caseta de baños, que é a que actualmente se atopa en funcionamento. Nese lugar existen, ademais: unha fonte ferruxinosa, cuxas augas son apropiadas para os casos de anemia, e outras dúas de augas oligometálicas que teñen unha boa aplicación tamén como bebida polas súas propiedades diuréticas. As augas dos baños teñen unha composición e temperatura similar ás do balneario, pois as dúas xorden da mesma fenda. Cortegada está situada nun fermoso val, conta cun pequeno e coquetísimo casco histórico, no que se atopa o Concello, a Praza de Buenos Aires e a rúa Hermanos Álvarez, lugar no que se atopan as casas máis antigas da vila, con fachadas tipicamente galegas. Cortegada tamén é coñecida pola súa gastronomía, con pratos nos que predominan a caza e a pesca.

Para coñecelo mellor

Na zona do encoro de Frieira, na provincia de Ourense, podemos gozar dun paisaxe idílico e coñecer a historia das súas augas termais. O encoro foi construído nos anos 70 e é o que se encarga de reter as augas do río Miño ao seu paso polo municipio. O municipio de Cortegada, tamén coñecido como Cortegada de Baños, sitúase en Ourense, xunto ao río Miño e é recoñecido polas súas augas termais. Está ubicado nunha zona navegable por pequenas embarcacións e ademais, está dentro da comarca do Ribeiro. A historia da vila termal de Cortegada remóntase ao século XIX. Moitos viaxeiros, ademais de labregos, acudían a estas augas polos seus beneficios terapéuticos e enfermidades na pel. Ademais, no ano 1816, Cortegada converteuse nunha das primeiras poboacións en ter casa de baños recoñecida oficialmente polo goberno de Fernando VII regulando a existencia de diferentes balnearios e tomando o nome de centro de utilidade pública". Así mesmo, aínda que os mananciais existentes se coñecían, non se utilizaron ata 1818. Actualmente, pódese usar un destes mananciais pois, reconstruiuse e acondicionouse con modernas instalacións e servizos. O club termal conta con tres piscinas termolúdicas: unha piscina dinámica (para relaxar e recuperar corpo-mente mediante chorros e fervenzas), chorros subacuáticos para articulacións de pernas e unha piscina de camas de burbullas. Todo iso fai que a zona sexa moi visitada para gozar destas augas sulfuradas, bicarbonatadas, fluoradas sódicas e litínicas a unha temperatura de 26 graos centígrados."