Aldán. Pazos e igrexa parroquial. A Ría de Aldán e as súas historias
Sobre este patrimonio
Aldán é unha vila que pertence ao Concello de Cangas, na provincia de Pontevedra, concretamente está situada no noroeste do concello. Trátase dun pobo mariñeiro e como tal ten o encanto propio dos pobos costeiros galegos. É un destino máis que recomendable e no que ao longo da visita poderá contemplar vivendas típicas e hórreos centenarios como mostra e testemuño da rica arquitectura popular galega. Está bañada pola fermosa e moitas veces descoñecida ría de Aldán, na que desemboca o río Orxas. As súas praias son de augas cristalinas e os seus areais de areas brancas e suaves. Menduiña, Francón, San Cibrán ou Areabrava agárdante.Aldán conta tamén con patrimonio monumental, como o Pazo da Torre de Aldán, unha propiedade privada non visitable integrada no núcleo urbano de Aldán. A fachada conta cunha torre con almenas e pináculos, tamén posúe escudo de armas e unha finca de mediana extensión dedicada ao cultivo. Aldán ten igrexa propia, trátase da igrexa de San Cibrán, un edificio neoclásico datado en 1866 levantado no mesmo lugar que ocupou un templo anterior do século XVI. Ten planta lonxitudinal e os muros son de sillares de granito. A súa fachada aparece presidida pola imaxe do patrón da parroquia, San Cibrán. Tamén destaca a gran torre de dous corpos en balaustradas que alberga o campanil.
Para saber máis
Non é doado atopar unha poboación coas características de Aldán, unha vila con ría propia e protexida polos Cabos Udra e Punta Couso. Aldán, ademais, sorprende coa súa igrexa de influencias neoclásicas e a súa torre almenada que sobresae dos muros que delimitan o adro da igrexa. Camiñando por unha rúa estreita chegamos ata o Pazo da Torre de Aldán que como xa mencionamos non é visitable pero que merece a pena observar, aínda que só sexa desde o exterior.Aldán está composto por 6 lugares: San Cibrán, Herbello, Gandón, Menduiña, Piñeiro e A Espiñeira e numerosas praias, de norte a sur: San Cibrán, Con de Sestadelo, Cova da Balea, Areacova, Francón, Sartaxéns, Menduiña e Lagoelas todas elas dignas de dedicación...e referímonos ao seu desfrute.Ademais das praias, Aldán ten outras propostas turísticas como a ponte de orixe medieval que cruza o río Orxás que acabará desembocando na ría de Aldán, a ruta dos muíños neste mesmo río e que discorre desde o lugar de Sobreira ata o coñecido Bosque Encantado; unha zona de lecer que formaba parte da Casa-Torre de Aldán ata principios do século XX.Aldán tamén é festa e celebración. San Amaro, San Sebastián, Festa de Santa Mariña e as Festas do Carmen (festas maiores) a última semana de xullo.De entre todas estas festividades, destaca a San Sebastián e o día da Danza en Aldán, o 20 de xaneiro xa que está declarada de interese turístico galego.
Para coñecelo mellor
O pazo Torre de Aldán, con escudo na fachada, atópase no núcleo urbano da localidade de Aldán e gran parte da súa finca está dedicada ao cultivo. É unha propiedade privada á que se accede por un portalón na súa rúa lateral e desemboca nun patio con dúas escaleiras. Outro dos pazos cos que conta o municipio é o que se atopa no Bosque Encantado, a Casa do Conte ou Finca do Frendoal. Este pódese visitar, aínda que a día de hoxe só se conserva parte da fachada e do seu ponte levadizo. Era unha finca que, durante o século XX, servía para o descanso e a caza da familia de Condes.Por outra banda, no barrio de San Cibrán, atópase unha igrexa parroquial construída en 1866 sobre unha antiga igrexa (datada do século XVI), que é o mellor exemplo de arte neoclásico do municipio. Esta igrexa está conformada por unha única nave e na súa fachada atopamos a imaxe de San Ciprián. Cangas é un municipio da provincia de Pontevedra que pertence á comarca do Morrazo. Está formado por cinco parroquias: Aldán, Cangas, Coiro, Darbo e Hío. A localidade de Aldán sitúase no extremo da península do Morrazo e conta cun río principal, chamado río Orxás, que cruza gran parte do seu territorio. Dito río ten o seu nacemento en Castiñeiras, en Beluso, e desemboca finalmente na ría de Aldán.
Galería
Localización
- Localidade
- Aldán
- Concello
- Cangas
- Provincia
- Pontevedra
- País
- España
O ben
- Tipo
- Pazo
- Eco-destino
- Ría de Pontevedra
- Contorna
- Urbano
- Relevancia
- Nacional
Como chegar
- Acceso
- Por terra
- Distancia
- 0,800 km
A visita
- Visitábel
- O pazo é propiedade privada e non é visitable. Visita exterior.
- Accesible
- No
- Aparcadoiro
- Sí
Coordenadas
- Latitud
- 42.27880200
- Longitud
- -8.81532400