Betanzos. Casco Antigo. Praza da Constitución
Sobre este patrimonio
Betanzos está situada na provincia da Coruña no Noroeste da Península Ibérica, nas rías altas.Betanzos conta cun casco antigo que é conxunto histórico-artístico desde o ano 1970, e ben de interese cultural (BIC) desde ese mesmo ano.Estaba rodeado dunha antiga muralla que contaba con cinco portas, das que hoxe en día se conservan tres. A porta principal que se denominaba Porta da Vila non se conserva e tiña tres escudos que hoxe son visibles no lateral dunha vivenda. As tres portas que a día de hoxe se manteñen en pé son a Porta do Ponte Novo, a Porta do Ponte Vello e a Porta do Cristo.Na nosa visita ao casco antigo de Betanzos podemos atopar moitos máis monumentos dos que destacamos, a Praza da Constitución, lugar no que se atopa o edificio consistorial do século XVIII. Ao seu lado erguese o Centro Internacional de Estampa Contemporánea (CIEC), na antiga Casa Núñez. Domina a praza a torre do Reloxo, do século XVI que está adosada á igrexa de Santiago.O casco histórico de Betanzos conta tamén con dous monumentos nacionais como son as igrexas de Santa María do Azougue e San Francisco situadas na Praza de Fernán Pérez de Andrade "El Boo". San Francisco con planta de cruz latina garda sepulcros de cabaleiros medievais e Santa María con planta basilical e tres naves destaca polo retablo do altar e o capitel co único calendario agrícola de Galicia.Betanzos é a capital do gótico galego.
Para saber máis
Betanzos é unha cidade e municipio español da provincia da Coruña, na comunidade autónoma de Galicia. O municipio forma parte da área metropolitana da Coruña.O casco antigo da cidade de Betanzos é un conxunto histórico-artístico declarado no ano 1970. A cidade antigamente ubicábase no interior dunha antiga muralla medieval que rodeaba a cidade e contaba con cinco portas de entrada. Na actualidade manteñense en perfecto estado as Portas de Ponte Nova, Porta do Cristo e a Ponte Vella. As tres son de forma apuntada, coas aberturas das reixas na primeira e na terceira; e a segunda presenta, por riba dun pequeno balcón, un Cristo e detrás, pintados, unha cidade cun sol e unha lúa.Foi unha das vilas medievais máis importantes no antigo Reino de Galicia, debido a que formou parte e foi capital dunha das sete provincias daquela época. A localidade foi declarada como cidade no ano 1465 e grazas a todos os anos de historia e a paisaxe que rodea o territorio, xa que os ríos Mandeo, Mendo e Mero pasan pola súa comarca, contén unha rica variedade de patrimonio cultural.Grazas ás súas igrexas e conventos, así como á recoñecida representación do seu calendario agrario e os seus edificios emblemáticos, a cidade constitúe a capital do Gótico Galego.A zona antiga da cidade de Betanzos sitúase no Castro de Untia, unha chaira situada entre os ríos Mando e Mandeo, e a Praza da Constitución está situada no máis alto deste Castro. Foi o rei Alfonso IX, o Rei de León e Galicia, quen ordenou dito traslado en 1219 e en 1467 o rei Enrique IV concedeulle título de urbe e anos despois os Reis Católicos deciden proclamarla capital como unha das sete provincias galegas. O deseño das rúas e edificios debido á súa tipografía deu como resultado que a zona teña unha forma ovalada.Paseando polo casco antigo podemos apreciar o gran pasado gremial que constituía a cidade. Na Praza da Constitución atopámonos cos edificios do Palacio de Bendaña, a Casa Consistorial, o Centro Internacional de Estampa Contemporánea (CIEC), o Pazo de Lanzós, e a igrexa de Santiago que ten adosada a un lado a Torre do Reloxo e que domina toda a praza.o O palacio de Bendaña foi edificado no século XV e remodelado no século XVI, a planta baixa do edificio antigamente tiña arcos oxivais do soportal, pero foron quitados para unha ampliación. Hoxe en día é a sede da subdelegación da Axencia Tributaria.o A Casa Consistorial é un edificio construído no XVIII e deseñado no último terzo deste por Ventura Rodríguez cun estilo neoclásico. É unha obra con catro niveis, soto, planta baixa e dúas plantas altas. Ten unha gran importancia polo seu atractivo cultural, arquitectónico e histórico.o O Centro Internacional de Estampa Contemporánea (CIEC) é unha organización privada creada en 1997, polo artista Jesús Núñez, cuxa finalidade era promover e divulgar as artes plásticas e a arte gráfica. É un edificio de carácter moderno cunha colección de arte contemporánea onde están representados numerosos artistas galegos e algúns nacionais da talla de Picasso ou Dalí, ademais de mozos artistas consolidados ou que están comezando incluso formándose no taller do propio centro.o O Pazo de Lanzós é un edificio levantado entre os anos 1620 e 1625, o edificio consérvase case intacto salvo por algunhas modificacións. O seu gran valor é o edificio da Torre, xa que ten vínculo coa historia das revoltas Irmandiñas.o A igrexa de Santiago é un edificio de estilo gótico construído no século XV, por Fernán Pérez de Andrade "O Mozo", que foi un señor feudal da rexión. Construíuse sobre unha antiga igrexa románica. Ten unha planta basilical e conforma tres naves, a central máis ancha que as laterais. A igrexa é unha mostra do paso do románico ao gótico. A torre do reloxo foi edificada a metade do século XVI, cunha altura de case 18 metros, a torre era un elemento aparte de defensivo, a súa función era de reloxo público e emblema da forza municipal.A muralla de Betanzos foi declarada ben de interese cultural (BIC) o 17 de outubro de 1994, a igrexa de San Francisco o 29 de setembro de 1919 e a igrexa de Santa María do Azougue o 29 de setembro de 1944.Existen rutas turísticas municipais e privadas para visitar e dar a coñecer o casco antigo de Betanzos. A través do percorrido polo recinto medieval danse a coñecer os episodios históricos e visítanse os principais monumentos da cidade.
Para coñecelo mellor
O municipio galego de Betanzos, tamén coñecido como Betanzos dos Cabaleiros, en A Coruña, atópase nas Rías Altas e o seu núcleo urbano sitúase sobre unha chaira moi próxima aos ríos Mandeo e Mendo. Betanzos foi unha das sete provincias que formaban o antigo Reino de Galicia. Cando a civilización se asentou, Betanzos caracterizábase pola súa muralla e durante a Idade Media tivo moito movemento comercial, principalmente da actividade pesqueira. A cidade foise construíndo desde o máis alto. Nese punto era onde se atopaba o castro Untia e, onde actualmente, se sitúa a praza da Constitución, xunto co neoclásico concello, o Pazo de Bendaña, a Torre e a Igrexa de Santiago. Ademais, no casco antigo, podemos gozar dunha serie de monumentos declarados como Conxunto Histórico Artístico. Este patrimonio artístico foi declarado como tal no ano 1970 e conta con dous monumentos nacionais: igrexa de Santa María do Azougue e San Francisco. A praza da Constitución foi reformada en diferentes situacións e pódese considerar como o centro de Betanzos. Ademais, é onde están representados os poderes que tivo a cidade durante o seu pasado: nobreza cos pazos de Bendaña, Lanzós e Taboada, así como os poderes da igrexa co templo de Santiago. O municipio de Betanzos aínda conserva varias portas das murallas medievais datadas nos séculos XIV e XV.
Galería
Localización
- Localidade
- Betanzos
- Concello
- Betanzos
- Provincia
- A Coruña
- País
- España
O ben
- Tipo
- Casco antigo
- Eco-destino
- Rías de Ares y Betanzos
- Contorna
- Urbano
- Relevancia
- Rexional
Como chegar
- Acceso
- Por mar
- Porto
- Puerto de Betanzos
- Distancia
- 0,700 km
A visita
- Visitábel
- Si
- Accesible
- No
- Aparcadoiro
- Sí
- Sinalizado
- Si
- Web
- betanzos.es/
Coordenadas
- Latitud
- 43.2819460369148
- Longitud
- -8.211651967637351