Praia de Eiras. Viñedos e adegas do Rosal

Sobre este patrimonio

A subzona do Rosal é coñecida por producir uns viños de gran nivel, grazas á uva Loureira, coñecida tamén como Marqués. Trátase dunha variedade moi apreciada pola súa riqueza en aromas e sabores orixinais que lembran ao loureiro. Esta zona caracterízase por gozar de unhas temperaturas suaves.

A Denominación de Orixe Rías Baixas contempla cinco subzonas de produción, Condado do Tea, O Rosal, O Salnés, Ribeira do Ulla e Soutomaior, de todas elas, a que agora nos ocupa é a subzona do Rosal, á súa vez, o consello regulador recolle as seguintes variedades autóctonas: Brancas: Albariño, Loureira branca ou Marqués, Treixadura, Caiño branco, Torrontés e Godello. Tintas: Caiño tinto, Castañal, Espadeiro, Loureira tinta, Sousón, Mencía, Brancellao e Pedral.

A aposta polas variedades autóctonas foi moi importante desde a creación da Denominación de Orixe. Cada tipoloxía de uva é a que mellor se adapta ao seu solo e isto outórgalle unhas características e sabor especial.

O concello do Rosal, celebra cada segundo fin de semana do mes de xullo a Feira do viño do Rosal, unha feira que está declarada como Festa de Interese Turístico de Galicia; é unha ocasión única para visitar e degustar estes viños.

Ao longo dos seus catro quilómetros de costa o visitante poderá gozar das súas praias como a praia de Eiras, Tabagón e San Miguel ou a praia situada na zona natural protexida do río Tamuxe.

Para saber máis

O municipio do Rosal, onde se atopa tamén o parque natural do Río Tamuxe, ou os muíños de Folón e Picón, atópase no sur da provincia de Pontevedra, limita cos municipios de A Guarda, Oia e Tomiño. Como toda a zona do Baixo Miño, foi agraciada por unha beleza natural única.

O Rosal é unha zona que pode presumir dun paisaxe único. Como o parque natural do Río Tamuxe. A visita a este enclave situado no camiño portugués do Camiño de Santiago permitirache gozar de grandes areais e impresionantes panorámicas do estuario do río Miño mentres percorres un ecosistema formado por bosques propios da ribeira, piñeirais e a vexetación típica de canas e xunqueiras. Esta zona está dentro dos espazos protexidos da Rede Natura 2000, este hábitat é ideal para observar a gran cantidade de aves que o habitan.

A situación xeográfica do Rosal fai que teña unhas temperaturas suaves e gocen dun paisaxe onde se mesturan os viñedos con outras plantacións tan propias doutras latitudes como os kiwis ou os mirabeles.

Para coñecer os muíños, que ademais están declarados ben de interese cultural, o mellor é seguir a Ruta dos Muíños de Folón e Picón, é un percorrido de dificultade baixa e dunha lonxitude de 3,5 km.

Despois da ruta ou da visita a algunha das súas praias, é máis que recomendable gozar dun dos viños brancos máis recoñecidos no panorama vitivinícola.

Para coñecelo mellor

Na vila do Rosal atópase a Praia das Eiras, unha praia semiurbana de area dourada e de augas tranquilas cunha lonxitude de 200 metros. Ademais, esta marabilla de paisaxe das Eiras atópase nun entorno protexido como Espazo Natural ou Rede Natura 2000, cuxo fin pasa por conservar os diferentes ecosistemas.

Por outra banda, o viño da zona do Rosal é moi famoso no sur de Galicia e din que é grazas aos romanos, pois pensaron que a temperatura da zona era a perfecta para a súa produción. De feito, o concello celebra todos os anos a Feira do Viño do Rosal onde se poden probar os viños das diferentes adegas asentadas na zona. O municipio do Rosal, coñecido pola súa gran calidade dos seus viños e viñedos, forma parte da Comarca do Baixo Miño na provincia de Pontevedra. Ubícase ás beiras do río Miño, limitando cos concellos de A Guarda, Oia e Tomiño.