Infraestrutura. Arte de pesca a pé
Sobre este patrimonio
O arte do marisqueo a pé é o que se exerce sobre todo nas praias e rochas. O aproveitamento destes recursos vén desde tempos moi remotos. Existen evidencias que desde o Paleolítico medio xa se consumía o marisco. E na época romana as ostras, ameixas e berberechos eran todo un manxar co que se comerciaba e coas súas conchas utilizábanse tamén como adornos e abalorios. Por tradición, é un arte realizado maiormente por mulleres e para exercela posúen un Permiso de Explotación (Permex). Na actualidade son cada vez máis os homes que se unen a este arte de pesca. A captura a pé depende das mareas, realízase cando esta baixa e as mariscadoras apenas teñen catro horas para exercer o seu traballo. A marea depende da lúa, e atrasa cada día uns 50 minutos. Así que este arte depende moito do horario e do calendario. A ameixa, o berberecho, o percebe, e as navallas son as especies que principalmente se capturan. Curiosamente o marisqueo a pé adoita utilizar os mesmos aparellos como os utilizados no campo só que adaptados a remover o sedimento en busca dos prezados moluscos. Así o sacho, a rasqueta, as azadas, os rastrillos as foices, os gancheros, a gancha de pé as horquillas ou coitelos son compoñentes fundamentais para realizar este traballo. Son ferramentas sinxelas utilizadas con tesón polas mariscadoras. O Sacho é un arte moi utilizado e simplemente consiste en clavar o sacho na area e removela deixando os moluscos ao descuberto. Por outra banda, nas rochas, empregase a rasqueta que está formada por unha folla rectangular de ferro e un mango de madeira ou de metal. Sólese empregar para arrincar percebes e mexillón das pedras.
Para saber máis
A costa galega, pola súa xeografía, representa o 31% dos 4.830 Km de costa que ten España. En Galicia hai unhas 3.970 persoas que se dedican á actividade de marisqueo a pé. É unha actividade realizada maiormente por mulleres representando un 90% no sector. Son traballadoras autónomas, por conta propia, e isto fai que non exista un seguimento das condicións de traballo, riscos laborais e/ou enfermidades profesionais. Co paso do tempo o marisqueo a pé sufriu unha importante transformación que pasou de ser unha actividade individual e meramente extractiva a outra organizada. Xa que á actividade de extracción hai que sumarlle a de produción no cultivo de moluscos. Así xorden traballos complementarios como o traslado das sementes, a limpeza dos bancos marisqueiros, as actividades de semicultivo necesarias para a mellora da produción e outras actividades de coidado, control, seguimento, protección e vixilancia dos bancos marisqueiros. Este tipo de tarefas complementarias xunto coas normas que regulan a explotación e a súa realización son fundamentais para conseguir unha explotación sostible dos bancos marisqueiros. O marisqueo realízase a pé na praia, no que sería a zona intermareal e denomínase en seco
Para coñecelo mellor
dentro da auga, na zona submareal, denominada "mollado" onde se mergullan ata o peito ou unha modalidade mixta entre zona intermareal e submareal. En xeral as tarefas desenvolvidas polas mariscadoras co traballo de extracción de cría para a venda ou traslados, a extracción de bivalvos para comercialización e traslados. Tarefas de resembrado, limpeza vixilancia, transporte de ferramentas e capturas.
Galería
Localización
- Concello
- Baiona
- Provincia
- Pontevedra
- País
- España
O ben
- Tipo
- Artes de pesca
- Eco-destino
- Ría de Vigo
- Contorna
- O arte de pesca a pé é o que se realiza en praias e en rochas para capturar especies como percebes, berberechos ou mexillóns, entre outros. Os utensilios máis empregados para a recollida destes produtos son o sacho, angazo, fouciño, a fisga ou a rasqueta. Ademais, chama a atención que estas ferramentas tamén se adoitan usar para as tarefas no campo. O sacho é un dos máis usados e está composto por unha especie de pala que se clava na area para deixar os moluscos ao descuberto. O angazo é como unha especie de rastrillo que pode chegar a deixar ao descuberto especies como ameixas, berberechos ou coquinas. O fouciño supón introducir a punta da ferramenta en buratos para levantar a area. Finalmente, a rasqueta úsase nas rochas para conseguir mexillóns ou percebes. En Galicia hai diferentes formas de conseguir peixe e marisco. O marisqueo é a actividade pola cal se extrae e obtén diferentes especies de marisco. Esta actividade desenvólvese desde hai moitos anos e nalgúns momentos pode chegar a ser moi perigosa posto que, os mariscadores e mariscadoras, enfrontanse a zonas de moito oleaxe e a maioría das veces, moi preto das rochas. Para conseguir o marisco, pódense empregar dúas técnicas coñecidas como: arte de pesca a flote e arte de pesca a pé.
- Relevancia
- Infraestrutura. Arte de pesca a pé
Como chegar
- Acceso
- Por mar Por terra
- Distancia
- 0 km
A visita
- Accesible
- No
- Aparcadoiro
- No
Coordenadas
- Latitud
- 42.11818400
- Longitud
- -8.84484700