Vilagarcía de Arousa. Cemiterio inglés
Sobre este patrimonio
A finais do século XIX, Vilagarcía converteuse en porto de escala para a travesía dos británicos, entre o Reino Unido e Gibraltar. Algúns falecían na singradura e, por seren anglicanos, a súa relixión non lles permitía recibir sepultura en cemiterios católicos. Así, o Concello de Vilagarcía concedeu a licenza de construción dun novo cemiterio, en 1902, denominado hoxe como o Camposanto dos ingleses". A costa galega foi medio de subsistencia para moitas familias, pero tamén leito de morte para infinidade de mariñeiros. É a costa do mundo con maior número de naufraxios, máis de catrocentos documentados desde o século XIV. A finais do século XVII, cando a armada Britannia era a máis poderosa do mundo, os seus barcos atracaban en Arousa e, ao remate do século XIX, instalaron alí os primeiros axentes consulares. Reinaldo Cameron Walker foi o primeiro vicecónsul de Asturias, Galicia e León e, o artífice de que a escuadra inglesa recalase en Vilagarcía, a súa ría era moi ampla para o atraque dos buques ingleses. Unha das obras de Cameron Walker foi a instalación dun cemiterio inglés xa que algúns mariñeiros falecían en ruta ou na Vila. O primeiro enterro tivo lugar en 1906 e, foi o 20 de outubro de 1910 cando se consagrou o terreo para oficiais e mariñeiros da Royal Navy. Ademais de ser enterrados membros da mariña, consta no Concello de Vilagarcía a sepultura de tres civís que decidiron ser enterrados alí tamén. O cemiterio dos ingleses converteuse nunha visita obrigada en cada ocasión que a escuadra da Royal Navy chega a porto galego
Para saber máis
para honrar a memoria dos que atoparon a morte nas augas deste mar."
Para coñecelo mellor
O denominado British Naval Cemetery" de Rubiáns foi creado en 1910 por orde do vicecónsul do Reino Unido en Carril, Reginald Cameron-Walker. O seu obxectivo: habilitar un camposanto no que mariñeiros británicos, na súa inmensa maioría de credo protestante, puidesen ser enterrados no caso de caer durante as escalas que, cada ano, durante seis décadas, a Royal Navy realizaba na Ría de Arousa. Aquí, descansan tamén algunhas personalidades, como o que foi cónsul británico en Vigo, Alexander Linsay, así como a súa esposa, cuxo falecemento se produciu nos anos 70. Son dous dos últimos enterramentos que tiveron lugar neste cemiterio. Esta necrópole, de gran relevancia polo seu interese histórico, lembra o paso da Armada británica polo porto da localidade, a principios do século XX. É o único camposanto inglés da provincia de Pontevedra. A comisión de tumbas de guerra da Commonwealth, naceu en 1917, despois, polo tanto, de que o British Naval Cemetery de Rubiáns abrira as súas portas. A comisión creouse para construír e coidar as tumbas dos soldados caídos na Primeira e Segunda Guerra Mundial
Galería
Localización
- Localidade
- Rural
- Concello
- Vilagarcía de Arousa
- Provincia
- Pontevedra
- País
- España
O ben
- Tipo
- Cemiterio
- Eco-destino
- Ría de Arousa
- Contorna
- o que sucedeu é que, como este cemiterio era naval e xa funcionaba, tamén se integrou na CWGC. Foi o Ministerio de Defensa británico quen comprou o terreo, e polo tanto trátase de solo británico. O cemiterio dos ingleses conserva unha atmosfera distinta e melancólica, de brote que xorde do pasado."
- Relevancia
- Pontevedra
Como chegar
- Acceso
- Por terra
- Distancia
- 2,8 km / 7 minutos en coche
A visita
- Accesible
- No
- Aparcadoiro
- No
Coordenadas
- Latitud
- 36.597866
- Longitud
- -6.235426