Adega Fundación Creixell. Pazo Barrantes
Sobre este patrimonio
O pazo Barrantes remóntase aos comezos do século XVI e posteriormente foi profundamente reformado no século XVIII, perdendo parte da súa fisionomía orixinal. Escudo de armas de Soutomaior, Zapata, Troncoso de Lira, Rubianes ou a Vista Alegre. Ten un portalón polo que se accede e chega a un amplo patio, onde se dispoñen de dereita a esquerda, o salón de actos, a capela, o xardín e o pombal. Do edificio destacan a solaina, a capela e a serie de escudos de armas que alberga no seu interior. Separando o patio das terras de cultivo atópase un impresionante hórreo. Atópase situado nunha zona dedicada ao cultivo vitícola, con gran cantidade de viñedos. Hoxe en día é unha propiedade privada. Neste pazo pasaron feitos de transcendencia histórica. En 1030 sendo propietaria a oitava condesa de Creixell, Doña Julia de Becerra Malvar, reuníronse nel o Consello de Ministros e asinouse o primeiro Pacto de Autonomía Galega, coñecido historicamente como Pacto de Barrantes. No documento asinado afirmábase que a causa fundamental dos problemas de Galicia radicaba no centralismo político e que a solución pasaba pola súa autonomía política e administrativa. O neto de Doña Julia, Don Vicente Cebrián Sagarriga, recibe por vía de herdanza a propiedade do pazo. Sería o décimo conde de Creixell e somete o pazo a unha reconstrucción de tal envergadura que accede ao premio Europeo de Marqués de Amodio sobre a reconstrucción de antigos pazos europeos por propietarios menores de 35 anos. Con experiencia no mundo do viño, por un proxecto anterior nunha adega rioxana, decide embarcarse nun proxecto similar aproveitando os recursos naturais do entorno do pazo. Así que constrúe unha adega coa mellor tecnoloxía do momento para extraer un excelente viño albariño das súas 12 hectáreas de viñedo. Actualmente é rexentada polo seu fillo Don Vicente Dalmau Cebrián-Sarriaga, actual conde de Creixell. Pazo Barrantes consolidouse como un dos mellores viños albariños de España cunha magnífica evolución en botella.
Para saber máis
Pazo Barrantes é unha finca de 12 hectáreas autocontroladas situada arredor da adega. Todas cultivadas coa uva Albariño e na rexión de Denominación de Orixe Rías Baixas. O seu clima é Atlántico, suave, con precipitacións abundantes que rondan os 1500 milímetros anuais. A composición do solo é de carácter arenoso, pouco profundo e algo ácido. A adega construíuse xunto ao pazo en 1991 ás beiras do río Umia, no corazón do val do Salnés, na costeira localidade de Barrantes. Neste enclave, o 25 de setembro de 1930, ten lugar o pacto de Barrantes que fai referencia ao acordo entre figuras do galeguismo como Castelao, Otero Pedrayo, Lois P. Novo ou Cabanillas e do republicanismo, como o propio Portela Valladares. O resultado foi o primeiro Pacto de Autonomía Galega plasmado nun manifesto que "O pobo galego" publicou o día 26, cinco meses antes da chegada da república. O manifesto no aspecto económico centraba a atención nos problemas da agricultura, no aspecto cultural consideraba como a cuestión máis grave a falta de escolas e a falta dunha ensinanza con carácter galego e no aspecto político contempla o caciquismo como o veleno que non deixa cumprir a Constitución. Para os asinantes a causa destes males estaba no centralismo que esquecía as necesidades dos galegos provocando a súa ruína, o seu atraso e a súa opresión.
Para coñecelo mellor
Galicia é coñecida pola súa boa fama gastronómica e polos seus bos viños. Un deles é Pazo de Barrantes. A finca Pazo de Barrantes atópase no municipio pontevedrés de Ribadumia, na comarca do Val do Salnés, e, no seu centro, atópase a súa adega. O pazo é unha tradicional casa señorial galega datada do século XVI rodeada por doce hectáreas de viñedos de uva albariño. En principio, a finca pretendía ser un viñedo de tamaño medio para a crianza de viños das Rías Baixas de máxima calidade. O Pazo atópase ás beiras do río Umia e o clima do Atlántico beneficia a vendima, pois trátase dun clima suave e con precipitacións abundantes. Este viño elabórase nun lugar con moito encanto. Ademais, o viñedo está controlado en todo momento: a súa poda, condución, rendemento ou cálculo. Isto leva á obtención dun viño con gran renome.
Galería
Localización
- Localidade
- Barrantes
- Concello
- Ribadumia
- Provincia
- Pontevedra
- País
- España
O ben
- Tipo
- Pazo adega
- Eco-destino
- Ría de Arousa
- Contorna
- Rural
- Relevancia
- Internacional
Como chegar
- Acceso
- Por terra
- Porto
- Puerto de Tragove
- Distancia
- 5,500km
A visita
- Visitábel
- Si
- Accesible
- Sí
- Aparcadoiro
- Sí
- Sinalizado
- Si
Coordenadas
- Latitud
- 42.49688900
- Longitud
- -8.77276400